राज्य स्तरीय वूशू स्पर्धेतील प्रावीण्य प्राप्त खेळाडू कल्याणी मंगेश भोंगाडे सन्मानित..!              महिला व मुलींना स्वतःचा आत्मविश्वास वाढविण्याची गरज…… मोहनबाबू अग्रवाल.!

राजु कांबळे

तालुका प्रतिनिधी

  समुद्रपुर.

समुद्रपुर : वर्धा येथील स्थित सेवाग्राम चरखा सभागृहात नॅशनल ओपन कराटे चॅम्पियनशिप 2025 च्या उद्घाटन प्रसंगी कल्याणी मंगेश भोंगाडे हिला सन्मानित करताना वक्ते आपल्या विचारातून समाजात स्त्रियांना अजूनही एक कमजोर घटक समजून त्यांच्यावर नेहमी अन्याय अत्याचार होताना आपण बघत असतो. बरेचदा अनेक स्त्रिया, मुलींना वाईट प्रवृत्तीच्या लोकांकडून अपमानित व्हावे लागते, त्यामुळे त्यांचा आत्मविश्वास कमजोर होऊन त्या हताश होतात. स्त्रियांनी निरोगी, स्वस्थ्य व स्वाभिमानी जीवन जगण्याकरिता वूशू सारखा कलात्मक खेळ आत्मसात करून, स्वतःचा आत्मविश्वास वाढविण्याची गरज असल्याचे मत मोहन बाबू अग्रवाल यांनी व्यक्त केले.

या राज्यस्तरीय स्पर्धेची खेळाडू कल्याणी मंगेश भोंगाडे यांनी आपल्या उत्कृष्ट कलेचे प्रदर्शन करीत जिल्ह्याचे नाव उंचावल्याबद्दल नॅशनल ओपन कराटे चॅम्पियनशिपच्या उद्घाटन प्रसंगी सत्कार व सन्मान करण्यात आला.

त्याप्रसंगी सेवाग्राम पॅथॉलॉजी विभागाचे प्रमुख डॉ. अनुपमा गुप्ता, स्पोर्ट कराटे असोसिएशन वर्धेचे संरक्षक इमरान राही, सावंगी आथोपेडिक्स विभागाचे डॉ. संदीप श्रीवास्तव, डॉ. दिलीप गुप्ता, नितीन नगराळे, कविता भगत, शिहान शेख दत्तू, शिहान क्रिष्णा ढोबळे, सेन्साई पराग पाटील आदी प्रामुख्याने मंचावर उपस्थित होते.

कल्याणी भोंगाडे हिचे सतीश ईखार, संतोष सेलूकर, मोहन मोहिते, हरिष पाटील, विजय सत्याम, खेमराज ढोबळे, हेमलता ताई काळबांडे, सचिन झाडे, निखिल सातपुते, प्रवीण पेठे, सुनील चंदनखेडे, उमेश चौधरी, गंगाधरजी पाटील, भगवानदास आहुजा, प्रकाश खंडार, श्याम पटवा, संदीप वरकट, सेंसाई सुशांत जीवतोडे आदींनी अभिनंदन केले आहे.

कल्याणी भोंगाडे यांनी आपल्या यशाचे श्रेय वर्धा जिल्हा वूशू असोसिएशनचे अध्यक्ष तथा प्रशिक्षक निलेश राऊत व मार्गदर्शक शिहान मंगेश भोंगाडे यांना दिले.